Гомумшәһәр өмәсе Татарстан башкаласында 19 апрельдә узачак

Быел кар тиз эреп бетү сәбәпле, Казанда шәһәр өмәсен вакытыннан алда оештырачаклар. Ул 19нчы апрельгә билгеләнгән. 

Юл хезмәткәрләре асфальтны чистартырга чыккан инде. Ком-балчыкны җыештыралар, коймалар юыла, җир асты кичүләре тәртипкә китерелә, урамнарны чүп-чардан арындыралар.

 Илсур Метшин - сәнәгать предприятиеләре, уку йортлары һәм хастаханәләргә - чисталык мәсьәләсенә игътибар бирергә кушты. Узган ел экологик ике айлык барышында Казаннан 300 мең кубометр чүп чыгарылган иде.

Фото: kzn.ru