15 минутлык юлны 1 сәгать чыгасы: тимер юл кичүе япканнан соң кыенлыклар башлана

Казанның Икмәк заводы урамындагы йортларда яшәүчеләр куркып көткән көн килеп җитте. Тимер юл аша җәяүлеләр кичүен япканнан соң, тормыш кыенлыклары башланды. Хәзер меңләгән кеше - балалар бакчасы, мәктәп, хастаханәләргә урау юл аша йөрергә мәҗбүр.

Бүген шәһәр хакимияте мәктәп автобусы җибәрде. Әмма ул балалар бакчасына баручыларны алмый икән. Ялларда куелган койманы кемдер кубарып ташлаган булып чыкты. Хәбәрчебез Инзилә Хөсәенова халык йөрергә тиешле сукмакны узарга тырышып карады. Аннан нәрсә килеп чыгуын - үзегез бәяләрсез.