Оборона министрлыгы: самолет тибындагы БПЛАны Татарстан күгендә юк иттеләр

Бүген 12:20 сәгатьтә Татарстанда ПВО дежур чаралары белән самолет тибындагы Украина пилотсыз очу аппаратын юк иттеләр, дип хәбәр иттеләр Россия Оборона министрлыгы матбугат хезмәтендә.

Алабуга мэры Рөстәм Нуриев БПЛА һөҗүме нәтиҗәсендә зыян күрүчеләр һәм корбаннар юк, дип белдерде. Урында ашыгыч хезмәтләр эшли.

Исегезгә төшерәбез, бүген 12:45 сәгатьтә Казан аэропортында һава судноларын кабул итүгә һәм чыгаруга вакытлыча чикләүләр кертелде. Шулай ук Түбән Кама аэропорты эше дә чикләнгән.

Фото: скриншот ТНВ