Тукай районының Биклән авылында яшәүчеләр зары: "Авыл юлын зур машиналар җимерә"

"Авыл юлын зур машиналар җимерә. Йөк контроленнән качып, торак пунктны урап узучы трассадан түгел, ә аның эченнән йөриләр".

Тукай районының Биклән авылында яшәүчеләр безнең редакиягә ярдәм сорап мөрәҗәгать итте. "Күпер дә ишелә башлады. Тиздән безгә ашыгыч ярдәм хезмәтләре транспорты да керә алмаска мөмкин", дип борчылалар.

Җәен хафалары тагын да көчәюе ихтимал. Көн дәвамында авылдан йөк машиналары йөргәч, балаларны урамга чыгарырга куркыныч була. Проблеманы кем хәл итә аласын хәбәрчеләребез белеште.