Яшел Үзәндә аздан гына фаҗига булмыйча кала: 1 яшьлек бала Зөягә төшеп китә

Зөя елгасында су төбенә китә язган сабыйны коткаручы егетләрнең берсен әле бүген дә таба алмаганнар. Гадәттән тыш хәлләр министрлыгы хезмәткәрләре бу кыю ирләрне бүләкләргә тели. Өчесенең кем икәнлеге билгеле инде.

Исегезгә төшерәбез, Яшел Үзән районында аздан гына фаҗига булмыйча кала. Мәскәүдән Татарстанга килгән гаиләнең - әти-әни фото ясаганда, коляскадагы 1 яшьлек кызлары суга төшеп киткән.

Коткару тарихын тәгаенрәк белү өчен Нәфисә Минәҗева ярымутрауга юл тотты.