Татарстанда бер төркем балаларны Анапага озаттылар

 Татарстаннан 650 бала Кара диңгез буена ял итәргә китте. 460ы - Анапада, 190ы - Кырымда булачак. Алар - төрле фәнни олимпиадаларда, спорт ярышларында, иҗади конкурсларда алдынгы урын яулаучылар.

Укучылар диңгездә 17 көн булачак. Быел мазут агып, су пычрану сәбәпле, үзгәрешләр бар. Диңгездә коенуны - бассейнга алыштырганнар. Олы юлга кузгалучы балалар, аларны озатучы әти-әниләр һәм оештыручылар белән Эльмира Имамиева аралашып кайтты.