Яр Чаллыда берничә микрорайон халкы йорт ишегалларын тәртипкә китерүне үз өстенә алган

Яр Чаллыда берничә микрорайон халкы йорт ишегалларын тәртипкә китерүне үз өстенә алган. "Идарәче компания төп вазыйфалары турында онытты", ди алар.

Тирә-якны чүп үләне басып киткән, аны чабучы юк. Халык контроленә язгач, бу эшне июльгә планлаштырганнар. Тик балалар мәйданчыгына бүген керә торган түгел, черкиләр күбәйде, ишегалдындагы юлларда машина күренми башлады дип зарланалар.

Бу хәл өчен кем җаваплы һәм нигә шәһәрдә яшәүчеләр кулларына чалгы алырга мәҗбүр? Моны Люция Нотфуллина белеште.