Балтырган: агулы үсемлек белән кем һәм ничек көрәшә, ә кемнәргә штраф каралган?

Бакчаңда үскән балтырганны чапмаган өчен, штраф түлисе булачак! Киләсе елның мартыннан Россиядә федераль законга  үзгәреш гамәлгә керә. 

Аны Дәүләт Думасы депутатлары кабул итте. Балтырган, ягъни борщевик соңгы вакытта зур проблемага әйләнеп бара. 5 елда Татарстанда аның мәйданы мең гектарга арткан. Хәзер ул ким дигәндә 2 мең 700 гектарны били. Бик тиз үрчүеннән тыш, аны юк итүе дә катлаулы - сыекчасы һәм хәтта пары тәнне пешерергә мөмкин. 

Җире булучылар яңа таләпләр турында нәрсәне белеп торырга тиеш? Безнең алдагы репортаж шул хакта.