Быел Татарстанда кече күләмле көймәләрдә йөзгәндә 4 кеше һәлак булган

Быел Татарстанда кече күләмле көймәләрдә йөзгәндә 4 кеше һәлак булган, 5сен коткарып калганнар.Төп сәбәп - тиешле иминлек таләпләре үтәлмәү, коткару жилетлары булмау, катерда йөзгәндә исерткеч эчемлекләр куллану. 

Коенү сезоны башыннан республика сулыкларында 28 кешенең гомере өзелә, 13енә ярдәм итеп өлгергәннәр. Һава торышының кызу торуы да бу саннарның артуына китерә. 

Инспекторлар Идел һәм Казансу елгаларына рейд белән чыкты. Әлеге сулыкларда иминлек кагыйдәләре үтәләме? Бу хакта тулырак Эльмира Имамиева сөйләр.