Мамадышта фаҗига: канализация чокырында һәлак булучыларны алты яшьлек бала тапкан була

Кичә Мамадыш шәһәрендә канализация чокырында 3 ир-ат һәлак булган. Икесе туганнар, өченчесе - күршеләре. Аларның үле гәүдәләренә - алты яшьлек малай тап була һәм узып баручыларны чакыра. 

Беренчел фараз буенча, ир-атлар монда газ белән агуланган булырга мөмкин. Кичә өйдә юынтык су торбасы тыгылган була, ирләр аны чистартырга җыенган. Тикшерү комитеты - җинаять эше кузгатты. Фаҗига урыныннан - безнең репортаж.