Сентябрь уртасында Яр Чаллыда маршрутларга яңа 50 автобус чыгачак

Сентябрь уртасында Яр Чаллыда маршрутларга яңа 50 автобус чыгачак. Автобуслар КАМАЗ предприятиесендә җитештерелгән. Кичә Татарстан Рәисе Рөстәм Миңнеханов тантанада аларны шәһәр карамагына тапшырды.

Халык юлда имин йөрсен өчен, җәмәгать транспортының уңайлы булуы кирәк, ди ул. Бүген Автокалада 135 зур автобус хәрәкәт итә, ләкин 600 мең кеше яши торган шәһәр өчен бу аз. Яңа техника маршрут схемасын камилләштерергә һәм кечкенә автобусларны алыштырырга мөмкинлек бирәчәк. Теманы Алия Сабирова дәвам итә.