"Яр Чаллы-Әлмәт" трассасындагы фаҗигада 3 кешенең гомере өзелгән

"Яр Чаллы-Әлмәт" трассасында фаҗига. Аның Зәй районындагы өлешендә җиңел автомобиль йөк машинасы астына килеп керә. Нәтиҗәдә, "Дэу-Нексия"дә барган 3 кешенең гомере өзелде. 

Бәрелү көче шундый зур була ки, җиңел машина тимер өеменә әйләнеп калган. Әлеге авария - куркыныч статистиканы тагын да тулыландырды. Республика юлларында быел үлүчеләр саны кискен арткан. Аеруча җәй айларында. Һәлакәтләрнең сәбәпләре һәм аларны киметү өчен нинди чаралар күреләчәге хакында Люция Нотфуллина сөйләр.