Татарстанда яшәүче 39-45 яшьтәге 100 мең кеше беркайчан да гаилә корып карамаган

Татарстанда яшәүче 39-45 яшьтәге 100 мең кеше беркайчан да гаилә корып карамаган. Бу хакта Татарстан Фәннәр академиясенең Гаилә һәм демографик үзәге хәбәр итә.

Белгечләр моны кешеләрнең бер-берсенә карата таләпләр күбәюе белән аңлата. Әлеге четрекле мәсьәлә хакындаТатмедиада узган "Тиң ярыңны ничек табарга" дип аталган фикер алышуда да сөйләделәр. Әмма республикада гаилә коручылар саны арткан.

 Бу елның 8 аенда гына 5% диярлек күбәйгәннәр. Хәзер Татарстанда Рөстәм Миңнеханов теләктәшлеге белән кәләшләр һәм кияүләр академиясе дә ачылган. Биредә меңнән артык ялгыз егет- кыз онлайн форматта гаилә кыйммәтләре, мөнәсәбәтләренең асылына төшенеп, дини яктан да белем ала. Тулырак Эльмира Имамиева репортажында.