Арча районының Үрнәк авылы янында, сулыкны чистарту өчен, 8 мең агач утырттылар

Имәннәр - Казансу елгасына ярдәмгә килә. Бүген Арча районының Үрнәк авылы янында, сулыкны чистарту өчен, 8 мең агач утырттылар. Елганы сафландыруда чыршыларны да кулланалар. 

Казансу тирәсендә барлыгы 8 мең агач тамыр җибәрәчәк. "Алар пычрак суларның елгага агып төшүен тоткарлый, яр буен эрозиядән саклый", ди белгечләр. 

Мондый акция республикада 2022нче елдан бирле алып барыла торган - су объектларын чистарту буенча комплекслы фәнни-тикшерү эшенең яңа этабы. Игелекле хезмәткә Нәфисә Минәҗева да кушылды.