“Яшь парларга грант”: быел республикада 80 туй милли төсмер белән үткәреләчәк

Быел республикада 80 туй милли төсмер белән үткәреләчәк. “Яшь парларга грант” дигән яңа социаль проект шундый мөмкинлек бирә. Бу - яшьләр эшләре министрлыгы тарафыннан Рөстәм Миңнеханов ярдәме белән уздырыла торган конкурс. 

Төп шарты - грант хисабына оештырылган бәйрәм татар халкының йолалары һәм гореф-гадәтләре белән үткәрелергә тиеш. Конкурска 350ләп гариза җибәргәннәр. Алар арасыннан 80 җиңүчене сайлап алалар. Шушы көннәрдә Татарстанның ЗАГС идарәсендә 17 яшь парга сертификатлар тапшырылды. Җиңүчеләрнең шатлыгын Нәфисә Минәҗева уртаклашты.