Татарстан юлларында 2 көн эчендә 6 кешенең гомере өзелгән

Узган яллар Татарстан юлларында - фаҗигале аварияләре белән тарихка керде. 2 көн эчендә 6 кешенең гомере өзелгән. Иң аянычлысы шул - аларның өчесе - балалар. 

Әгерҗедә килеп чыккан юл һәләкатендә әтисе белән улы үлә. Баулыда исә, абыйсы белән квадроциклда барганда 7 яшьлек малай техника астында калып һәлак булган. Белгечләр фикеренчә, без хәзер фаҗигаләр аеруча күп теркәлә торган вакытка аяк басабыз. 

Көннәр кыскара, карлы яңгыр ява, куе томан комачаулый, аяк асты тайгак... Бу хакта искәртеп, бүген Дәүләт автоинспекциясе кисәтү таратты. Рүзәл Шәрипов репортажын карыйк.