Татарстанда күпләп кошлар үлүнең беренче сәбәбен атадылар

Бөгелмәдә күпләп кошлар үлүнең беренче сәбәбен атадылар. Бу хәл узган атнада булган иде. 

Шәһәр халкы төрле урыннарда җансыз яткан кош түшкәләренә тап була. Араларында Кызыл китапка кертелгәннәре дә бар, диләр. Белгечләр шул вакытта ук, бу кош гриппы түгел дип белдерде. Бөгелмәнең ветеринария берләшмәсендә күгәрчен һәм лачын-сапсанны ярып караганнар. Кошларның йөрәкләре зурайган һәм кансыз калган була. 

Хәзер өстәмә экспертиза үткәрү өчен аларны Казанга җибәрәләр. Алар, кошлар агуланып үлгән, дип саный. 

Тулырак "Татарстан хәбәрләрендә" карый аласыз.