Лаеш районында Сокурыны урап узучы юл авыл халкы тормышын җиңеләйттеме?

Лаеш районында Сокуры авылын урап узучы юл - машиналар өчен ачылды. Кичә кич аны тантаналы төстә Россия Президенты Владимир Путин катнашында кулланылышка тапшырганнар иде.

Бу - быел Татарстанда көтеп алган мөһим төзелешләрнең берсе. Озынлыгы 6 чакрым гына булса да, аннан тәүлегенә 40 мең машина уза алачак. Чөнки ул - Республиканың Көньягыннан Казанга керү юлы булып тора. Моңарчы әлеге көчле машина агымы Сокуры авылы урамына кереп тоткарлана иде. Беренче үзгәрешләрне бүген Рузәл Шәрипов күреп кайтты.