Яңа гына ачкычларны алган Царево-Сити халкы түләүләрне күреп исе киткән

"Өй янындагы фонтанлы бульвар өчен - биредә яшәүчеләрдән түләтәләр. Әмма анда кем тели - шул ял итә." Безнең редакциягә Питрәч районындагы Царево-Сити торак комплексы халкы шундый мөрәҗәгать юллады. 

Эш шунда ки, сентябрь уртасында яңа комплекстан беренче фатир ачкычларын тапшырганнар. Хәзер квитанцияләр килгән. Йорт милкен тәртиптә тоту хезмәте өчен фатирның бер квадрат метры өчен - 96 сум түлисе. 

Идарәче компания әлеге бәяне безнең фикерне исәпкә алмый куйган, ди монда яшәүчеләр. Тарифны үзгәртү мөмкинлеге бармы? Мәсәләгә Инзилә Хөсәенова ачыклык кертергә тырышты.