Казанның Мамадыш трактындагы мөселман зиратында 13 каберне туздырып атканнар: кем гаепле?

Казанның Мамадыш трактындагы мөселман зиратында 13 каберне туздырып атканнар. Мемориаль комплекс хезмәткәрләре эшкә килгәч, моны күреп гаҗәпкә кала. Кабер ташлары аударылган, кайберләре бөтенләй җимерелгән. 

Такталар һәм эскәмияләрне тулысынча кубарып ыргытканнар. Шул ук вакытта полициягә гариза бирүче дә булмаган. Әлеге гамәлне кылучылар тиз табыла. Ләкин гаеплеләр ачыклангач, сораулар тагын да күбәя. Бүген иртән безнең иҗат төркеме вакыйга урынына юл алды.