Климатолог Казанда кар ни өчен соңрак яуганын аңлатты

Профессор-климатолог Юрий Переведенцев КФУ медиапорталына биргән интервьюсында хәбәр иткәнчә, Казанда кар республикадагыга караганда бераз соңрак ява. Бу 1-2 градуска җылырак булган шәһәр шартларына бәйле.

"Быел кар капламы иртә ятмаячак, чөнки хәзер төбәк атлантик циклон йогынтысында, шуңа күрә температура фоны шактый югары", - дип өстәде галим.

Шулай ук метеоролог Татарстанның Нурлат районында 23 октябрьдә яуган карны искәрмә дип атады. 

Фото: ТНВ