Татарстанда янгын сүндерүчеләр баланы йорт түбәсеннән коткарган

Татарстанның Питрәч районында "Царево утары" торак комплексы территориясендә бала күп фатирлы йортның түбәсендә калган. Ул мөстәкыйль рәвештә төшә алмады, дип хәбәр иттеләр Татарстан Гадәттән тыш хәлләр министрлыгы матбугат хезмәтендә.

Балага ярдәмгә янгын сүндерүчеләр килгән. Алар баскыч ярдәмендә түбәдән имин генә төшереп, әти-әнисенә тапшырганнар.

Ведомствода балалар тормышы һәм сәламәтлеге өчен җаваплылык, беренче чиратта, ата-аналарда һәм өлкәннәрдә ята дип искә төшерә.

Фото: МЧС РТ