"Царёво-Сити"да ТКХ өчен арттырып җыйган түләүләр буенча җинаять эше кузгатылды

Питрәч районының "Царево-Сити" торак комплексындагы идарәче оешма - халыктан торак-коммуналь хезмәтләр өчен акчаны уртача 4 тапкырга арттырып җыйган. Бу - Прокуратура тикшерә башлагач раслана. 

Шулай ук, монда тагын берничә хилафлык табыла. Халык белән төзелгән килешүгә өстәмә документ барлыгы ачыклана. Ә идарәче оешманы сайлап алу өчен районда гомумән конкурс та уздырып тормаганнар. Әлеге хәл эзеннән мошенниклык маддәсе буенча җинаять эше кузгатылган. Тикшерү хәзер дә дәвам итә. Тагын кемнәрнең эшчәнлегендә шикләнәләр?