60 төбәк һәм 10 илдән кунаклар: “Татарстанның эшлекле партнерлары” форумы старт алды

Бу атнада Казан, тарихи Ватан буларак, милләттәшләрне үзенә җыйды. Россиянең 60 төбәгеннән һәм 10 чит илдән татарлар "Татарстанның эшлекле партнерлары" форумына килде.

Быел ул 18 тапкыр уздырыла. Иртәгә форумның пленар утырышы, бүген кунаклар Түбән Камага юл алды. Аларга районның икътисади мөмкинлекләрен тәкъдим иттеләр, уңышлы проектлары белән уртаклаштылар.