Түбән Кама урамнарына 15 яңа автобус чыга

Иртәгәдән Түбән Кама урамнарына яңа автобуслар чыгачак. Бүген аларны шәһәрнең җәмәгать транспорты предприятиесе карамагына тапшырдылар. Маршрутта яңа 15 техника эшлиячәк. Барысы да күп пассажир сыйдырышлы.

Аларның уңайлылыгын Татарстан Рәисе Рөстәм Миңнеханов килеп күрде. Техника аның карары белән сатып алынган һәм шәһәрдәге җәмәгать транспорты проблемасын өлешчә хәл итәргә тиеш. Луиза Сафуанова репортажын карыйк.