Татарстанда коеда ике баланың гәүдәсе табылган

Бүген Менделеевскида бер коедан ике баланың гәүдәләре табылган. Бу хакта Татарстан прокуратурасының матбугат хезмәте хәбәр итә.

Фаҗига булган кое рөхсәтсез ясалган балалар таучыгы янында урнашкан.

Әлеге очрак буенча «Саксызлык аркасында ике кешенең үлеменә китерү» маддәсе нигезендә җинаять эше кузгатылган.

Фото: Прокуратура РТ