Казанда ишегалларын һәм урамнарны ничек чистарталар?

Яңа елның беренче атнасында гына Татарстанда айлык норма карның 61 проценты яуган. Кайбер юлларны ялларда дулаган бураннан соң тәртипкә китереп өлгермәделәр, кичә янәдән ишеп-ишеп кар яуды. Шуңа шәһәр хезмәтләре тәүлек әйләнәсе эшләвен дәвам итә. Әмма күпчелек ишегалларында хәл әле дә киеренке.

 Юлда - кар боткасы, халык машиналарын казып чыгарып бетерә алмый, йортлар арасында урыны белән ике полосалы юлның берсеннән генә хәрәкәтләнергә була. Казан урамнарындагы хәлне Рүзәл Шәрипов күреп кайтты.