Узган ел ул республикада хезмәт хаклары 20%ка артып, 87 мең сумга җиткән

Уртача хезмәт хакы буенча Татарстан Идел буе федераль округы төбәкләре арасында 1 нче урында. Узган ел ул республикада 20% ка артып - 87 мең сум була.

Республиканың хезмәт, мәшгульлек һәм социаль яклау министрлыгы бүген узган елгы нәтиҗәләрне игьлан итте. Коллегиядә аз керемле гаиләләр, өлкәннәр, махсус хәрби операциядә катнашучылар, мөмкинлеге чиклеләргә ярдәм чаралары хакында сөйләштеләр. Татарстанда кадрлар кытлыгы киләсе 7 елда да булачак дип фаразлыйлар. Бүген бер эшсезгә - 12 вакансия бар.