Кибет киштәләреннән алынган һәр 5нче партия ризык сыйфатсыз: Татарстанда санитар вәзгыять нинди?

2025нче елда Татарстанда - кибет киштәләреннән тикшерер өчен алынган һәр 5нче партия ризык сыйфатсыз булып чыккан. Иң күбе - салат, суши-роллылар кебек әзер продукция нормага туры килми. Ә онлайн укыту учреждениеләренең кайберләре студентларын төп башына утырта.

Роспотребнадзорның Татарстандагы идарәсе бүген узган елгы эшчәнлегенә нәтиҗә ясап, кулланучы хокукларын бозучыларны фаш итте. Республикада 13 төрдәге йогышлы авыру буенча үсеш күзәтелгән. Балалар - туберкулезның ачык формасы белән авырый. Ә вакцина ясатуга, тикшерүләргә теше-тырнагы белән каршы әти-әниләр хаман кала. Санитар вәзгыять турында - Гөлназ Сәйфетдинова.