Кар авырлыгына чыдый алмаган түбә: Чүпрәледә балалар бакчасы вакытлыча ябылды

Балалар бакчасының түбәсе яуган кар авырлыгын чыдатмаган һәм сыгылып төшкән. Чүпрәледә һава торышы үзгәрешләре әнә шундый хәл китереп чыгара.

Монда 130 бала йөргән була. Бүген аларны инде кабул итмәделәр. Район хакимиятендә гадәттән тыш хәлләр буенча комиссия утырышы узды. Бинага моннан 2 ел элек кенә капиталь ремонт ясалган була. Хәзер экспертиза нәтиҗәсен көтәләр, ул әзер булгач, түбәне яңадан ябу мәсләләсен хәл итәргә тиешләр.