Казанда югалган Тамара Волкованы дистәләгән волонтёр эзли

Казанда 5 көн элек югалган Тамара Волкова һаман табылмаган. "Лиза Алерт" отрядының дистәләгән волонтёры штаб оештырып, аны Авиатөзелеш районы буйлап эзләде.

Шулай ук, фотосы белән игъланнар элеп, халыктан сорашканнар. Тик әле һаман уңай нәтиҗә юк. Исегезгә төшерәбез, 30 яшьлек хатын дүшәмбе көнне, бер айлык баласын ире белән калдырып, даруханәгә китә. Соңгы тапкыр аны Ленинград урамындагы пунктта күргәннәр.