Казанның Совет районында биш катлы йортның түбәсе ишелеп төшкән - видео

Казанда Гвардия урамындагы 40нчы йортта түбә өлешчә ишелгән. Бу хактагы видеокадрлар социаль челтәрләрдә таралды.

Совет районы администрациясенең матбугат хезмәте хәбәр иткәнчә, түбәнең ишелүе соңгы атналарда башкалада күзәтелгән аномаль явым-төшемнәр белән бәйле.

«Иң мөһиме — йортта яшәүчеләр арасында зыян күрүчеләр юк. Кешеләрнең шәхси милке дә имин. Йортта җылылык һәм су белән тәэмин итү штат режимында эшли. Җылылык, су һәм электр белән тәэмин итүдә өзеклекләр юк», — диелә хәбәрдә.