Сәнәгатьтә кадрлар җитми, машиналар азрак сатыла: Татарстан икътисадында нинди проблемалар бар?

Яңа машиналарны 19 процентка азрак сатып ала башлаганнар. Сәнәгатьтә эшләргә 14 мең кеше җитми. Йөк ташу тармагы кризис кичерә. Бүген әлеге проблемаларны - Татарстанның сәнәгать һәм сәүдә министрлыгының йомгаклау коллегиясендә - Рөстәм Миңнехановка җиткерделәр.

Утырыш - Республиканың төп сәнәгать үзәге - Түбән Камада узды. Россия 4 ел дәвамында СВО шартларында яшәүгә карамастан, узган ел Татарстанда 6 триллион сумлык продукция читкә чыгарылган. Без бу күрсәткеч буенча - Идел буенда беренче урында торабыз. Әмма эчке проблемаларны хәл итмичә, үсеш бермә-бер тоткарланырга мөмкин, диләр. Бүген нинди районнарны тәнкыйть утына тотып, эшне көчәйтергә куштылар? Тәкъдимнәрне Рүзәл Шәрипов ишетте.