Яшел Үзәндә склад түбәсе ишелеп, хатын-кыз харәбәләр астында калган. Аның хәле турында нәрсә билгеле?

Кичә Яшел Үзәндә федераль сәүдә челтәренә караган логистик үзәкнең түбәсе ишелде. 500 квадрат метр мәйдан аска җимерелеп төшә.

Бу юлы зыян күрүче бар - шунда эшләүче хатын харәбәләр астында калган. Башка кешеләр юклыгына инану өчен коткаручылар бинаны этләр белән тикшереп чыга. Инде бер атнадан бирле Татарстанда түбәләр җимерелә. Бүген бу хәлгә Татарстан Рәисе катгый бәясен бирде. Аның йөкләмәсе турында соңрак сөйләрбез.