"Түбәдән кар төшсә, газсыз калырбыз яки сөрем белән агуланырбыз дип куркабыз!": Әки бистәсе халкы зары

"Түбәдән кар төшсә, газсыз калырбыз яки сөрем белән агуланырбыз дип куркабыз!". Казанның Әки бистәсендә яшәүчеләр безгә шундый проблема белән мөрәҗәгать итте. Эш шунда ки, ике катлы йорт түбәсендәге карны кыш буена бер тапкыр да көрәмәгәннәр.

Ул түбә кыекларыннан асылынып ук төшкән. Әгәр бөтенләй ишелә калса, дивардагы төтен чыгу каналына зыян килүе бар .Мондый хәлләр ел саен булып тора, ди газ хезмәткәрләре. Әки бистәсендәге йорт өчен "ЖКХ Дербышки" оешмасы җаваплы. Ни өчен алар түбәдән карны тиз арада төшермәгән? Проблеманың сәбәпләрен Инзилә Хөсәенова ачыклады.