Хәрби батырлык һәм хезмәт фидакарьлеге елында Татарстанда мең ярымнан артык чара узачак

Хәрби батырлык һәм хезмәт фидакарьлеге елында Татарстанда мең ярымнан артык чара узачак. Төп бурычлар - тарихи хакыйкатне саклау, яшьләрне ватанпәрвәрлек рухында тәрбияләү, сугыш ветераннары һәм СВОда катнашучыларга ярдәм күрсәтү.

Вакыйгаларның программасы турында бүген Хөкүмәт йортында сөйләделәр. Хәзер республикада Җиңүгә зур өлеш керткән предприятиеләрнең тулы исемлеген формалаштыру буенча җитди фәнни эш алып барыла. "Хезмәт батырлыгы өчен" мактау билгесе ясала, хезмәт династияләре турында китап язалар. Тулырак Алия Сабирова репортажы.