Казанда «Сандугач» дигән халыкара вокал конкурсы узды

Туган җиргә мәхәббәт турында татар, рус, башкорт һәм чечен телләрендә җырлыйлар. Казанда бу ялларда «Сандугач» дигән халыкара вокал конкурсы узды.

Анда Россия, Кытай, Казахстан, Кыргызстан һәм Үзбәкстаннан - 750 җырчы катнашты. Бу - рекордлы сан, ди оештыручылар. Иң кечкенәсенә - 5 яшь, иң олысы - 70кә җиткән. Халыклар бердәмлеге елында күбесе милли киемнәрдән чыгыш ясады.