Яр Чаллыда балалар мәйданчыгында фаҗига: 6 яшьлек кыз ДРКБда реанимациядә, җинаять эше кузгатылды

Тапшыруны Яр Чаллыда килеп чыккан хәлдән башлыйбыз. Монда балалар мәйданчыгында уйнап йөргән җирдән - 6 яшьлек кыз җитди тән җәрәхәтләре ала.

Кичә төнлә аны Казанга - ДРКБга күчергәннәр. Хәзер реанимация бүлегендә ята һәм табиблар сабыйның гомерен саклап калу өчен көрәшә. Беренчел фараз буенча, бала бозланган баскычтан менгәндә таеп китә, башы белән аска таба асылынып кала һәм буыла башлый. Тикшерү комитеты җинаять эше кузгатты. Килеп чыккан хәл урыныннан - безнең репортаж.