Лаеш районында М-12 трассасында авария: алты кеше имгәнгән

Татарстанның Лаеш районында М-12 трассасында җитди юл-транспорт һәлакәте булган. Бу хакта район Дәүләт автоинспекциясенең матбугат хезмәте хәбәр итте.

Машиналар бәрелешенә Екатеринбург ягына баручы Kia Ceed йөртүчесе сәбәпче булган: ул имин тизлекне һәм араны сайламаган һәм «Лада Калина» автомобиленә килеп бәрелгән. Ул мизгелдә «Лада Калина» алдан барган һәм шул ук маркалы тагын бер машинаны сөйрәп барган.

Һәлакәт нәтиҗәсендә алты кеше зыян күргән, һәлак булучылар юк.

Фото: Госавтоинспекция Лаишевского района РТ