Хәрбиләр һәм аларның гаиләләрен алдарга тырышалар: мошенниклардан ничек сакланырга?

Контракт төзеп СВО зонасына киткән кешеләргә һәм яу кырында һәлак булган хәрбиләрнең туганнарына хөкүмәт тарафыннан саллы түләүләр каралган. Еш кына нәкъ шул акчаларга кырыгалдарлар кул суза.

Ел башыннан полиция хезмәткәрләре алты җинаять эше ачкан. Бу әле гариза язып, хокук сакчыларына мөрәҗәгать итүчеләр генә. Мошенниклардан ничек сакланырга кирәклеге турында без Эчке эшләр министрлыгының Татарстандагы идарәсендә җинаятьләрне ачыклау буенча оператив хезмәткәр Рәдис Йосыповтан сорадык.