Көектәге «Яшьлек» комплексында яшәүчеләр зары: канализация өчен түләү 10 тапкырга арткан

Питрәч районы Көек авылындагы "Яшьлек" торак комплексында яшәүчеләр безнең редакциягә мөрәҗәгать итте. "Ел башыннан канализация өчен 10 тапкырга күбрәк түли башладык.

Моңарчы эчәргә яраксыз дип саналган салкын су өчен хәзер акча алалар" - ди алар. Эш шунда ки, гыйнвардан биредәге йортларга "Водоканал" дип аталган шәхси оешма хезмәт күрсәтә башлаган. Ул үз эшенә үзе яңа тарифлар билгеләгән. Бу гамәлләре законлымы? Сорауга җавапны Рүзәл Шәрипов эзләде.