Бөгелмә янында трассада «Газель» янган, зыян күрүчеләр юк

Бөгелмә районында Р-239 Казан — Оренбург трассасында «Газель» автомобиле янган. Бу хакта Татарстан МЧС матбугат хезмәте хәбәр итте.

Янгын урынына 64нче янгын-коткару часте хезмәткәрләре килгән. Алар утның 3 квадрат метр мәйданны биләп алуын ачыклаган һәм янгынны тиз арада сүндергән.

Һәлакәт нәтиҗәсендә зыян күрүчеләр юк.

Фото: МЧС России