Агулы су, зарарланган туфрак, авырулар: Самосыр халкы чаң кага

Эчә торган сулары агулыга әйләнгән, туфраклары да химик матдәләр белән зарарланган. Казанның Самосыр бистәсендәге Овражная урамында яшәүчеләр безнең редакциягә ярдәм сорап мөрәҗәгать итте.

 Кешеләр тире авыруларыннан интегә башлаган, чәчләре коелучылар бар, көнкүреш техникалары эштән чыга. Аяныч хәлнең сәбәбен кышын Казан урамнарына сибелүче реагенттан күрәләр. Эш шунда ки, башкала карының бер өлеше Самосыр бистәсенә түгелә. Совет районы Башкарма комитетында - бу закон бозу түгел, дип белдерделәр. Агуланудан куркып яшәгән халыкка ни эшләргә? Нәфисә Минәҗева белеп кайтты.