Татарстанда төнлә пилотсыз очкыч бәреп төшерелгән

Бүген Мәскәү вакыты белән 00:00дән 07:00гә кадәр Татарстан күгендә һава һөҗүменнән саклану көчләре пилотсыз очу аппаратын бәреп төшергән. Бу хакта Россия Оборона министрлыгында хәбәр иттеләр. Юк ителгән дроннар саны төгәлләнмәгән.

Искәртеп узыйк, төнлә 02:43тә Татарстанда «Пилотсыз очкыч куркынычы» режимы игълан ителгән иде. Соңрак, 04:00дә, Казан, Яшел Үзән, Түбән Кама, Алабуга, Чаллы, Бөгелмә һәм Әлмәт шәһәрләренә БПЛА һөҗүме куркынычы турында хәбәр таралды.

06:07дә һөҗүм куркынычы гамәлдән чыгарылды, ә 07:35тә «Пилотсыз очкыч куркынычы» режимы тулысынча бетерелде. Бу хакта Россия Гадәттән тыш хәлләр министрлыгы мобиль кушымта аша хәбәр итте.

Фото: ТНВ