Биектау районында коега төшеп киткән хатын-кызны коткарганнар

Татарстанның Биектау районы Коркачык бистәсендә хатын-кыз шәхси сектордагы тирән кое эченә егылып төшеп җәрәхәтләр алган. Бу хакта ТР Гадәттән тыш хәлләр министрлыгы матбугат хезмәтендә хәбәр иттеләр.

Урынга янгын сүндерүчеләр һәм коткаручылар килгән. Алар йомшак носилкалар һәм альпинист җиһазлары ярдәмендә зыян күрүчене коедан чыгарып, табибларга тапшырган.


Фото и видео: МЧС РТ