Алабуга районында чүп-чар полигоны яна: Төтене берничә чакрымнан күренә

Инде өченче көн Алабуга районында чүп-чар полигоны яна. Төтене әллә ничә чакрымнан күренә. Пыскып утыруын туктату өчен хәзер анда балчык ташыйлар.

Полигонның хуҗасы белдерүенчә, ел башыннан алар калдыкларны тиешле нормативка караганда юкарак катлам грунт белән күмә башлаган. Ни өчен мондый юлга барганнар? Алабугадан Луиза Сафуанова репортажы.