Казан Форумында "Казан Хәләл" маркет ачылды

Казан Форумында эшлекле программаның бүген беренче рәсми чарасы - Халыкара ярминкә - Казан Хәләл маркет ачылды. Анда илнең 11 төбәгеннән һәм 9 илдән килгән 100 дән артык компания катнаша.

Башкаланың Агросәнәгать паркында атна ахырына кадәр шәригать кануннарына нигезләнгән сәүдә гөрлиячәк. Ачылыш тантанасына Республика Рәисе Рөстәм Миңнеханов, Россиянең авыл хуҗалыгы министрлыгы, төрле илләрдән ислам сәүдәсен үстерү үзәге вәкилләре килде.

Мондый ярминкә яңа базарларга чыгу өчен нинди мөмкинлек бирә? Гөлназ Сәйфетдинова репортажы.