Татарстанда матбугат көне: "Бәллүр каләм" конкурсының бүләкләү тантанасы үтте

Бүген Татарстанда матбугат көне билгеләп үтелә. Ул республикада 1998нче елдан бирле бәйрәм ителә һәм "Нур" газетасының яңадан чыгарыла башлануы белән бәйле.

Ул тәүге тапкыр 1905нче елда нәшер ителгән һәм татар телендә беренче вакытлы матбугат басмасы була. Бер сәгать элек кенә "Пирамида" концертлар залында көннең төп тантанасы - "Бәллүр каләм" Республика конкурсының бүләкләү тантанасы тәмамланды. Быел премияне 29нчы мәртәбә тапшыралар.

Аңа 200дән артык кеше дәгъва кыла. Хәбәрче, фотограф, видеооператор, блогер, матбугат хезмәте җитәкчеләре. Иң-иңнәргә "Бәллүр каләм" сыны бирелә. Төп приз - Республика җитәкчелеге исеменнән машина!