Чаллыда 10 яшьлек кыз бала тугызынчы каттан егылып һәлак булган

Яр Чаллыда 10 яшьлек кыз бала тугызынчы каттагы балконнан егылып төшкән. Алган җәрәхәтләреннән ул вафат булган.

Гаилә имин дип бәяләнә, профилактик исәптә тормый.

Баланың үлеме факты буенча саксызлык аркасында үлемгә китерү маддәсе нигезендә җинаять эше кузгатылган. Бу хакта РФ Тикшерү комитетының Татарстан буенча идарәсе матбугат хезмәте хәбәр итте.

Фото: ТР прокуратурасы матбугат хезмәте