Галия Ситдикова батып баручы малайны коткарганы өчен 1 миллион сумлык премия алды

Казанда яшәүче Галия Ситдикова, батып баручы малайны коткарганы өчен, режиссер Тигран Кеосаян исемендәге 1 миллион сумлык премия алды. Бу хәл бер ай элек балык тоткан вакытта булган.

Хатын-кыз ире белән бергә батучы баланы күреп ала. Ире йөзә белмәгәнгә, Галия боздай салкын суга үзе ташлана. Ул вакытта пляжда кешеләр күп булса да, балага ярдәм итәргә нәкъ менә ул гына батырчылык итә.